डढेलोबाट जोगाउने वन समुहलाई २० हजार पुरस्कार

कास्की, २७ साउन ।
कास्कीको रुपा गाउँपालिकाले डढेलोबाट वन जोगाउन सफल सामुदायिक वन समुहलाई २० हजार नगद पुरस्कार दिने घोषणा
गरेको छ । सामुदायिक वन दिवसको अवसरमा ठुलो वन समुहद्धारा निर्मित हरियाली पार्कमा आयोजित वृक्षारोपण कार्यक्रममा गाउँपालिका अध्यक्ष नवराज ओझाले सो घोषणा गर्नुभएको हो । गाउँपालिकामा ५६ वटा सामुदायिक वन उपभोक्ता समुह रहेका छन् । वन क्षेत्रमा आगो लगाउँदा जैविक विविधता, वन्य जन्तु सहित वातावरणीय असर पर्ने हुँदा त्यस्तो आपराधिक काम रोक्नका लागि गाविसले यसै आर्थिक वर्षबाट पुरस्कृत गर्ने जानकारी दिंदै उहाँले भन्नुभयो “डढेलोबाट वन जोगाउन सामुहिक
प्रोत्साहनस्वरुप पुरस्कृत गरिने भएको हो ।” “सामुदायिक वनको प्रभावकारीता, तीन तहको सरकार र समुदायको सहभागिता”
भन्ने मुख्य नाराका साथ जिल्ला महासंघ कास्कीको आयोजना एवम् डिभिजन वन कार्यालय कास्की र (युएसएआडी) जल जंगलको आर्थिक सहयोगमा आयोजित कार्यक्रममा असोका, धुपी, तेजपात, अमला लगायत विभिन्न जातका ४० वटा विरुवा
रोपिएको थियो । कार्यक्रममा सामुदायिक वन उपभोक्ता महासंघ नेपालका केन्द्रीय सदस्य एवम् जिल्ला समन्वय समिति कास्कीका उपप्रमुख सरिता कुमालले रोपिएका विरुवाको संरक्षण गर्दै प्राकृति श्रोतलाई समृद्धिको आधार बनाउनु पर्नेमा जोड दिनुभयो । सामुदायिक वन उपभोक्ता महासंघ नेपाल गण्डकी प्रदेशका अध्यक्ष कालिदास सुवेदीले वनको संरक्षण, संवर्धन र विकासमा योगदान गर्दै आएका उपभोक्ताले वनको सहजरुपमा उपयोग गर्दै आम्दानीको श्रोतकोरुपमा विकास गरिनु अपरिहार्य भएको बताउनुभयो ।
डिभिजन वन कार्यालय कास्कीका प्रमुख कोमलराज काप्mलेले सामुदायिक वन क्षेत्रमा रहेका पुराना रुख निकाल्न उपभोक्तालाई सुझाव दिंदै त्यसका लागि कार्यालयकोतर्पmबाट आवश्यक सहयोग गर्ने प्रतिवद्धता व्यक्त गर्नुभयो ।
ठुलोवन समुहका अध्यक्ष ईश्वर श्रेष्ठको अध्यक्षतामा भएको कार्यक्रममा महासंघ गण्डकी प्रदेशका अध्यक्ष कालिदास सुवेदी, जिल्ला महासंघ कास्कीका अध्यक्ष विश्वनाथ लामिछानेले वन दिवसको महत्व माथि प्रकाश पार्नुभएको थियो ।