पोखरा, कात्तिक ६ गते ।
सोमबार सांझ करिब ४ बजे पोखरा महानगरपालिका वडा नं.२५ हेम्जामा लागूऔषधको कारोबार भईरहेको सूचनाको आधारमा वडा प्रहरी कार्यालय बगरबाट खटिएको प्रहरी टोलीले सवारी साधन चेकजाँज गर्ने क्रममा ग २५ प ६५८८ नम्बरको स्कुटरलाई म्याग्दी बेनी नगरपालिका वडा नं. ५ बस्ने वर्ष ३० का बल बहादुर विश्वकर्मा र सोही स्कुटरको पछाडी सवार जिल्ला म्याग्दी धौलागिरी गा.पा. वडा नं. ४ बस्ने वर्ष ३५ की नर कुमारी घर्तिले टोपिमा लुकाई राखेको अवस्थामा लागू औषध डाईजापाम ३१ एम्पुल, फेनेरागन ३१ एम्पुल र नुर्फिन ३१ एम्पुल गरी जम्मा ९३ एम्पुल लागू औषध फेला परेको जिल्ला प्रहरी कार्यालय कास्कीले जनाएको छ । निजलाई नियन्त्रणमा लिई लागू औषध सम्बन्धी मुद्दामा कास्की जिल्ला अदालतबाट ७ दिनको म्याद थप गरी अनुसन्धान प्रकृया अगाडी बढाईएको जिल्ला प्रहरी कार्यालय कास्कीले जारी गरेको विज्ञप्तिमा उल्लेख छ ।