१२ कार्तिक, दुलेगौंडा ।
लियो क्लब अफ दुलेगौँडा खैरेनी सिटीले साेमबार ढाेरबाराही मन्दिरमा सरसफाइ गरेकाे छ । क्लबकाे १४ औ वार्षिक उत्सव तथा चार्टड डे काे अवसरमा शुक्लागण्डकी नगरपालिका वडा नम्बर ९ स्थित प्रसिद्ध धार्मिक स्थल ढोरबराही मन्दिरमा सरसफाई तथा पाँच थान डस्टबिन प्रदान गरिएकाे अध्यक्ष विवेक वाग्लेले जानकारी दिए ।
लियो डिस्ट्रिक्ट ३२५ एम नेपालका डिस्ट्रिक्ट प्रेसिडेन्ट लियो प्रेमराज तिवारी, लायन्स डिस्टिक ३२५ एम अन्तर्गत लायन्स क्लब अफ दुलेगौँडा खैरेनी सिटीका थर्ड भाइस प्रेसिडेन्ट लाइन राम प्रसाद लम्साल र सचिव लायन विष्णुप्रसाद अर्यालकाे आतिथ्यतामा सम्पन्न सरसफाइ कार्यक्रममा लियो क्लब अफ दुलेगौडा खैरेनी सिटीमा आवद्ध युवाहरू सहभागी थिए ।
क्लवले १४ वर्षदेखि प्रत्येक महिनाको ८ गते जी पी कोइराला स्वास्थ्य उपचार केन्द्रमा आँखा शिविर समेत सञ्चालन गर्दै आइरहेको छ।