पोखरा, कात्तिक २२ गते ।
विहिवार दिउँसो १२ बजेर २४ मिनेटको समयमा जिल्ला कास्की पोखरा महानगरपालिका वडा नं.२२ शान्तिस्तुपा नजिकै पुम्दीकोटबाट छोरेपाटनतर्फ आउँदै गरेको नव युग डान्स क्लव दाङबाट भ्रमणको लागि आएको रा १ ख २१०६ नं.को मिनी बस चालकले नियन्त्रण गुमाई सडक छेउमा रहेको तिजुको रुखमा अड्किदा गई २ जना घाइते भएका छन् । घटनाको सूचना प्राप्त हुनसाथ वडा प्रहरी कार्यालय बैदामको प्रहरी टोलीले बसमा सवार महिला ७ जना र पुरुष १७ जना गरी जम्मा २४ जनालाई उद्वार गरी मध्ये २ जना घाईतेलाइ उपचारको लागि नमस्ते अस्पताल बिरौटा पठाईएको जिल्ला प्रहरी कार्यालय कास्कीले जनायको छ । अन्य यात्रु सकुशल रहेका छन् । सो स्थानमा बाटो अवरोध नभएको,र उक्त बस क्रेनको सहायताले निकाल्ने पहल भई रहेको प्रहरीले जनाएको छ । घाईतेहरु मा जिल्ला दाङ तुल्सीपुर उपमहानगरपालिका ४ बस्ने बर्ष १७ की सन्ध्या रसाईलीको अवस्था सामान्य रहेको छ भने ऐ.ऐ.बस्ने बर्ष १९ की मनिषा रसाईलीको पनि अबस्था समान्य रहेको प्रहरीले जनाएको छ ।
