मंसिर ५ गते
विहिवार करिब १ बजे जिल्ला प्रहरी कार्यालय कास्की र ईलाका प्रहरी कार्यालय शिसुवाबाट खटिएको प्रहरी टोलिले जिल्ला कास्की पोखरा महानगरपालिका वडा नं.२९ भण्डारढिक नयाँवस्तीमा गस्ती गर्दै जाँदा ऐ.ऐ. बस्ने बर्ष २६ को कपिल घिमिरे पक्राउ परेका छन् । उनले लागू औषधको कारोबार गरेको सूचनाको आधारमा निजको घरकोठा खानतलासी लिँदा निजको कोठाको भित्तामा कालो झोलाभित्र लुकाई छिपाई राखेको लागू औषध डाईजापाम- २२८ एम्पूल, फेनेरागन- २१२ एम्पुल, र ब्रुफिन- २२२ एम्पूल गरी जम्मा ६६२ (छ सय बैसठ्ठी) एम्पुल लागू औषध र मोवाईल फोन थान-१ फेला परेको जिल्ला प्रहरी कार्यालय कास्कीले जारी गरेको विज्ञप्तिमा उल्लेख छ । निजलाई नियन्त्रणमा लिई कास्की जिल्ला अदालतबाट लागू औषध सम्बन्धी मुद्दामा १० दिन म्याद थप गरी अनुसन्धान प्रकृया अगाडी बढाईएको प्रहरीले जनाएको छ ।