दुलेगौंडा ।
लायन्स क्लव र लियाे क्लवले स्याङ्जा जिल्लाकाे बिरूवा गाउँपालिका ५ स्थित देववाणी आधारभूत विद्यालयका विद्यार्थीलाई न्यायाे कपडा प्रदान गरेकाे छ । लायन्स क्लव इन्टरनेशनल डिस्ट्रिक ३२५ एम अन्तर्गत लायन्स क्लव अफ दुलेगौंडा खैरेनी सिटी र लियाे क्लव अफ दुलेगौंडा खैरेनी सिटीले देववाणी आधारभूत विद्यालयमा रहेका कुल ३७ जना विद्यार्थीललाइ शुक्रबार न्यानो कपडा, खेलकुद तथा स्टेशनरी सामाग्री गरी कुल ८५ हजार बराबरको सामग्री वितरण गरेकाे हाे ।
तिहारकाे अवसरमा लायन्स र लियोले संयुक्त रुपमा देउसी भैलो खेलेर सङ्कलन गरेकाे रकमबाट न्यानो कपडा वितरण गरिएको लियाे क्लवका अध्यक्ष विवेक वाग्लेले जानकारी दिए ।
साथै, राधा स्टेशरी स्टोरले स्टेशनरी सामाग्री, झुलप्रसाद शेरचनले खेलकुद सामग्री तथा डिजी लिङ्कले न्यायाे टोपी सहयाेग गरेकाे भन्दै क्लवले धन्यवाद दिएकाे छ ।