पोखरा, असोज २१ ।
सोमबार बेलुका करिब ८:२० बजे, पोखरा -१० बुद्ध चोक स्थित जिरो कि.मि. बस्ने कृष्ण ढकाल र चाउथे बस्ने अनिल ढकालले संयुक्त रुपमा संचालन गरेको द स्केट पार्क प्रा.लि. मा बिद्युत लाईन सर्ट भई आगोलागी हुँदा द स्केट पार्क पूर्णरुपमा जलि क्षति भएको छ । मानविय क्षति नभएको जिल्ला प्रहरी कार्यालय कास्कीले जानकारी गराएको छ । रामबजार कास्कीबाट खटिएको प्रहरी, दमकल र स्थानियको सहयोगमा बेलुका ९ बजे पूर्ण रुपमा आगो नियन्त्रणमा लिएको छ । आगोलागीबाट निम्नस्केट जुत्ताहरु अं.६५० थान, कम्प्युटर -३ थान, ४३ ईन्चको टि.भी. १ थान, जेनेरेटर १ थान, ईनभटर ब्याट्री २ थान, CC tv Camera ८ थान (मोनिटर सहित) र पुरानो तथा स्केट जुत्ताका पार्टसहरु रहेका छन् ।