५ कार्तिक, दुलेगौंडा ।
शुक्लागण्डकी नगर उद्याेग बाणिज्य संघकाे अध्यक्षमा समुन्द्रराम श्रेष्ठ निर्वाचित भएका छन् । बेलचाैतारामा साेमबार बिहान सम्पन्न मतगणनाकाे अन्तिम नतिजा अनुसार प्रत्यासी सुजित हिराचनलाई ९३ मतले पछि पार्दै श्रेष्ठ अध्यक्ष निर्वाचित भएका हुन् । श्रेष्ठले ३९१ र हिराचनले २९८ मत प्राप्त गरेका थिए ।
यसैगरी बरिष्ठ उपाध्यक्ष पदमा सुमन सापकोटा निर्वाचित भएका छन् । सापकोटाले ३३५ मत प्राप्त गर्दा उनका प्रत्यासी नारायण कुमार श्रेष्ठले ३१९ मत मात्रै प्राप्त गरे ।
बाणिज्य उपाध्यक्ष तर्फ ३२३ मत सहित प्रकाश थापा, उद्याेग उपाध्यक्षमा ३२७ मत सहित प्रेमबहादुर श्रेष्ठ निर्वाचित भए ।
महासचिवमा सुजन श्रेष्ठ विजय भए । उनले ३६३ मत प्राप्त गरेका थिए भने उनका प्रत्यासी उम्मेदवार पूर्ण बहादुर कायस्थले २९० मत प्राप्त गरे ।
उपमहासचिव पदमा बिर्षना श्रेष्ठले ३५४ मत सहित जित हासिल गरिन् । यस्तै, ३३८ मत सहित काेषाध्यक्षमा कमल गैह्रे निर्वाचित भए ।
सदस्यहरूमा अमृत घिमिरे, विधान गुरूङ, गम बहादुर केसी ‘जि.के.’, अर्जुन सापकोटा, पिताम्बर तिमिल्सिना, सन्ताेष कुमार श्रेष्ठ, बर्म कुमार श्रेष्ठ, गिरी बहादुर थापा, देवीभक्त राना र भुपेन्द्र रिमाल तथा महिला सदस्यमा जाेसिला थापा र बसन्ता कुमारी श्रेष्ठ विजयी भए ।
शुक्लागण्डकी नगर उद्योग वाणिज्य संघकाे निर्वाचनमा समुन्द्रराम श्रेष्ठ र सुजित हिराचन नेतृत्वका २ प्यानल चुनावी प्रतिष्प्रधामा थिए । निर्वाचन परिणाम मिश्रित आएकाे छ ।