पोखरा, पुष २ गते ।
पोखरा ११ फुलबारीमा रहेको फुलबारी क्लबले ज्येष्ठ नागरिकहरुलाई धार्मिक क्षेत्रका अवलोकन भ्रमर्ण गराएको छ । पोखरा ११ का ६० वर्ष नाघेका १५० जना ज्येष्ठ नागरिकलाई पोखरा १३ आर्वा स्थित प्रभु धामको अवलोकन भ्रमण गराएको कार्यक्रम संयोजक अनन्तराज आचार्यले जानकारी दिए ।
उनीहरुलाई अवलोकन पछि विभिन्न मनोरञ्जनात्मक र धार्मिक हाजिरी जवाफ प्रतियोगिता समेत गरेको आचार्यले जानकारी दिए । धार्मिक हाजिरी जवाफ तर्फ उत्कृष्ट वासुदेव अधिकारी, दामोदर बास्तोला, वेदराज बास्तोला, बलराम शर्मा बास्तोला र नृत्य तर्फ उत्कृष्ट सिता बास्तोला, सावित्री बास्तोला, हरिमाया बास्तोला र गंगा बास्तोलालाई मायाको चिनो प्रदान गरिएको थियो ।
उनीहरुलाई फूलबारी क्लवका अध्यक्ष मनोज बास्तोला, पोखरा महानगरपालिका वडा नम्बर ११ का वडा अध्यक्ष प्रेम प्रसाद कर्माचार्य र क्लवका पुर्व अध्यक्ष राजेश कुमार गुरुङ, क्लबका उपाध्यक्ष जनार्दन बास्तोला, क्लबका सचिव युवराज बास्तोला लगाएतले मायाको चिनो वितरण गर्दै अन्य दिनमा पनि ज्येष्ठ नागरिकहरुका सम्मानका लागि कार्यक्रमहरु गर्ने बताए ।