एन पि एस फुटबलमा राधा र आदर्शको विजयी सुरुवात

दुलेंगौडा। 

शुक्लागण्डकी नगरपालिका ५ बेलचौतारामा नेपाल पुलिस स्कुलको आयोजनामा बुधबार सुरु भएको नेपाल पुलिस स्कुल एनपिएस कप अण्डर १६ छात्र फुटबल प्रतयोगितामा नेपाल आदर्श मावि कास्की र राधा मावि जामुनेले वियजी सुरुवात गरेका छन् । 

गण्डकी प्रदेश स्तरीय अन्तर विद्यालय अण्डर सिस्टिन छात्र फुटबल प्रतियोगिताको पहिलो दिन दुई खेल सम्पन्न भए । पहिलो खेलमा दुलेगौडाको पञ्चमुनीदेव माध्यमिक विद्यालय कास्कीको नेपाल आदर्श माविसँग ट्राइब्रेकरमा पराजित भयो । निर्धारित ६० मिनेटसम्म कुनै पनि टिमले गोल गर्न नसकेपछि खेल ट्राइबेकरमा पुगेको थियो । 

यस्तै दोस्रो खेलमा खैरेनीटारको सुर्योदय इंलिस बोर्डिङ स्कुललाई ५–०ले पराजित गर्दै म्याग्दे गाउँपालिका स्थित जामुनेको राधा माविले वियजी सुरुवात गरेको छ । राधा माविलाई जिताउन अल्विन रानाले २ तथा सुशान रानाभाट, एमडि बराल र आशिष कुमान समान एकरएक गोल गरे ।

प्रतियोगितामा तनहुँका कास्कीका १६ विद्यालय सहभागि रहेका छन् । विजेताले ५० हजार र उपविजेताले २५ हजार सहित ट्रफी, मेडल प्रमाणपत्र प्राप्त गर्नेछन् भने विधागत उत्कृष्ट खेलाडीलाई समेत नगद सहित सम्मान गरिने आयोजकले जनाएको छ।